İdman
Pleyeri seçin:
”Neftçi”də baş məşqçi postuna təyinat olub
“Neftçi” klubunun yeni baş məşqçisinin adına aydınlıq gəlib. Paytaxt təmsilçisindən verilən rəsmi məlumata görə, bu posta ukraynalı mütəxəssis Roman Qriqorçuk gətirilib.
“Ağ-qaralar” 59 yaşlı çalışdırıcı ilə 2 illik müqavilə imzalayıb.
Qeyd edək ki, məşqçilik fəaliyətinə 2000-ci ildən başlayan R.Qriqorçuk daha əvvəl ölkəmizin “Qəbələ” klubunda işləyib. Onun rəhbərliyi ilə Premyer Liqanın bürünc və gümüş medallarına yiyələnən, eləcə də ölkə Kubokunun finalçısı olan komanda həm də UEFA Avropa Liqasının qrup mərhələsinə çıxmağı bacarıb.
Bundan başqa, Roman Qriqorçuk karyerası ərzində Latviyanın “Dinaburq” və “Ventspils”, Ukraynanın “Metallurq” və “Çernomorets”, Qazaxıstanın “Astana”, habelə Belarusun “Şaxtyor” klublarında işləyib.
Kopyalandı
