“Neftçi”nin kapitanı Emin Mahmudovdan klubla bağlı qərar

“Neftçi”yə sadiqəm. Bir dəfə “ağ-qaralı” olan həmişə “ağ-qaralı” qalır. Qismət olsa, karyeramı elə doğma komandamda bitirməyi düşünürəm”.

Bu sözləri “Report.az” saytına açıqlamasında “Neftçi”nin kapitanı Emin Mahmudov deyib.

O bildirib ki, heç vaxt daha çox pul qazanmaq məqsədilə komandadan ayrılmaq haqqında düşünməyib. Sadəcə özünü daha reytinqli və güclü çempionatda sınamaq istədiyi üçün yeni çağırışları dəyərləndirib.

E.Mahmudov Rusiya və Türkiyə ilə yanaşı, digər ölkələrdən də təkliflər aldığını, lakin onları nəzərdən keçirdikdən sonra 6 ildir formasını geyindiyi “Neftçi”də qalmaq qərarına gəldiyini deyib. Emin həm də azarkeşlərə təşəkkür edərək, onlara yaşatdığı narahatlığa görə məyus olduğunu bildirib.

Qeyd edək ki, son xəbərlərə görə, 31 yaşlı futbolçu paytaxt klubu ilə 3 illik müqavilə imzalayacaq.