Nəriman Abbasov “Naiza FC”də parlaq qələbə qazandı

Azərbaycanlı MMA döyüşçüsü Nəriman Abbasov növbəti görüşünü keçirib. 29 yaşlı idmançı “Naiza” təşkilatında qırğızıstanlı Kanıbek Janıbek Uulu ilə üz-üzə gəlib.

Qazaxıstanın Almatı şəhərində keçirilən qarşılaşma “Naiza 50” turnirinin əsas döyüşü olub. İlk raundda təşəbbüs Nərimanda olsa da, 2-ci raundda vəziyyət dəyişib. Kanıbek sarsıdıcı zərbələr seriyasını uğurla yerinə yetirsə də, idmançımız tezliklə vəziyyəti düzəldə bilib. Raundun sonu yenidən Nərimanın üstünlüyü ilə əlamətdar olub.

3-cü hissədə isə təmsilçimiz boğucu fəndi uğurla yerinə yetirərək Qırğızıstan nümayəndəsini təslim olmağa məcbur edib. Bununla da, MMA ustamız qarışıq döyüş turnirlərində növbəti qələbəsini qazanıb.