Pleyeri seçin:
Olavio Juninyo karyerasını bu klubda davam etdirə bilər
“Qarabağ”ın braziliyalı ulduzu Olavio Juninyo karyerasını İspaniyanın məşhur komandasında davam etdirməyə yaxındır.
Son xəbərlərə əsasən, 28 yaşlı hücumçu “Sevilya” klubunun diqqət mərkəzindədir.
Bildirilir ki, Əndəlüs təmsilçisinin baş məşqçisi Xavyer Qarsiya Pimenta Juninyonun transferini istəyib. Bu səbəbdən İspaniya nəhəngi Olavio üçün “köhlən atlar”a rəsmi təklif göndərib.
İddia olunur ki, Ağdam kollektivi bu keçidə görə “Sevilya”dan təxminən 5 milyon avro tələb edir.
Qeyd edək ki, “Qarabağ” Olavio Juninyonu 2023-cü ilin yayında Portuqaliyanın “Şaviş” kollektivindən transfer edib. “Köhlən atlar”ın əsas ulduzu hesab olunan forvard indiyədək 80 matçda meydana çıxıb. Bu görüşlərdə 41 qol və 14 məhsuldar ötürmə ilə yadda qalan Olavio Azərbaycan çempionatı və ölkə kubokunda qalib gəlib. “Transfermarkt” portalının 2 milyon avro məbləğində dəyərləndirdiyi Juninyonun “Qarabağ”la müqaviləsi isə 2026-cı ilə qədərdir.
Kopyalandı
#Olavio Juninyo teqi istifadə olunub
Seçilmişlər
