Pleyeri seçin:
Olavio Juninyo "Sevilya" ilə danışıqları sonlandırdı
“Qarabağ”ın braziliyalı ulduzu Olavio Juninyonun “Sevilya”ya transferi baş tutmaya bilər.
Son məlumata əsasən, 28 yaşlı forvard Braziliyanın “Flamenqo” komandasının baş məşqçisi, vaxtilə “Çelsi” və “Atletiko” kimi məşhur klublarda forma geyinən Felipe Luislə danışıqdan sonra “Sevilya”ya keçmək fikrindən daşınıb.
İddia olunur ki, “Flamenqo” “Qarabağ”a və 28 yaşlı hücumçuya yeni təklif göndərib. Braziliya təmsilçisinin rəsmiləri Ağdam klubuna təqribən 8 milyon avro, Juninyonun özünə isə 5 milyon avro ödəməyə hazır olduqlarını bildiriblər. Bu, “Sevilya”nın “köhlən atlar”a təklif etdiyi məbləğdən 2 dəfə çoxdur. Məhz bu səbəbdən Olavionun karyerasını “Flamenqo”da davam etdirməsi gözlənilir.
Kopyalandı
#Olavio Juninyo teqi istifadə olunub
