Paraatletimiz Səid Nəcəfzadə Paralimpiya çempionu olub

Parisdə keçirilən Paralimpiya Oyunlarında daha bir idmançımız qızıl medal qazanıb.

T12 kateqoriyasında yer alan paraatlet Səid Nəcəfzadə uzunluğa tullanmada 7,27 metr nəticəyə imza atıb. Təmsilçimiz bu göstərici ilə Paralimpiadanın qalibi olub.

Qeyd edək ki, avqustun 28-i start götürən 17-ci Paralimpiya Oyunlarında 4463 atlet 22 növdə mübarizə aparır.