Pleyeri seçin:
Paytaxtımızda boks üzrə Çempionlar Gecəsi keçirilib
Bakıda Beynəlxalq Boks Assosiasiyasının Çempionlar Gecəsinin açılış mərasimi keçirilib.
Azərbaycan Boks Federasiyasının 100 illiyi çərçivəsində Milli Gimnastika Arenasında təşkil olunan tədbirə konsert proqramı ilə start verilib.
Ardınca dünyanın ən güclü boksçularının iştirakı ilə 8 döyüş baş tutub. Qarşılaşmaların 4-də Azərbaycan idmançıları təmsil olunub.
Rinqə ilk olaraq 71 kiloqram çəki dərəcəsində Sərxan Əliyev və onun monqolustanlı rəqibi Monx-Erdene Urançimeq çıxıb. Boksçumuz görüşü qələbə ilə başa vurub.
Gecənin ikinci döyüşündə 51 kiloqramda mübarizə aparan Nicat Hüseynov filippinli Con Zuluetanı məğlub edib.
Ardınca 92 kiloqram çəki dərəcəsində Məhəmmədrəsul Məcidov qazaxıstanlı Nursultan Amanjolovdan güclü olub.
Eyni çəki dərəcəsində daha bir dəri əlcək ustamız Məhəmməd Abdullayev isə kolumbiyalı Kristian Salsedo ilə döyüşdən qalib ayrılıb.
Kopyalandı
