PSJ bu futbolçuya görə “Barsa”ya 120 milyon ödəməyə hazırdır

“Barselona”nın əsas ulduzlarından olan Pedri komandadan gedə bilər.

Xarici mediada yayılan məlumata görə, 21 yaşlı futbolçu Fransa nəhəngi PSJ-nin maraq dairəsindədir.

Bildirilib ki, baş məşqçi Luis Enrike də Pedrini komandasının sıralarında görmək istəyir. İddia olunub ki, PSJ ispaniyalı oyunçu üçün 120 milyon avro ödəməyə hazırdır. Lakin Pedrinin bu məsələyə necə yanaşdığı hələ ki məlum deyil.

Qeyd edək ki, Pedri 2019-cu ildən “Barselona”da çıxış edir. “Barsa” ilə müqaviləsi 2026-cı ilə qədər olan oyunçu bu müddət ərzində 134 matça çıxıb, 18 qol, 13 məhsuldar ötürmə ilə yadda qalıb. Klubla La Liqa çempionu olan Pedri ölkə Kuboku və Super Kubokunda qalib gəlib. 2021-ci ildən ölkəsinin əsas millisinə də çağırılan oyunçu 18 matçda forma geyinib.