Pleyeri seçin:
Qadın güləşçimiz Günay Qurbanova U-23 qitə çempionatında qalib gəlib
Albaniyada keçirilən 23 yaşadək idmançılar arasında Avropa çempionatında daha bir təmsilçimiz qızıl medal qazanıb.
Qadın güləşçimiz Günay Qurbanova 59 kq çəkidə fəxri kürsünün ən yüksək pilləsinə qalxıb. Həlledici görüşdə italiyalı Avrora Russo ilə üz-üzə gələn Günay onu məğlub edərək Avropa çempionu olub.
Daha bir nümayəndəmiz Əsmər Cankurtaran isə bürünc mükafata yiyələnib. O, medal uğrunda qarşılaşmada türkiyəli Songül Kavakdan güclü olub.
Qeyd edək ki, Tirana şəhərində keçirilən yarışda daha əvvəl sərbəst güləş yığmamız komanda hesabında ardıcıl 4-cü dəfə qitənin ən güclüsü olub. Arseniy Djioyevin qızıl medal qazandığı turnirdə pəhləvanlarımız həm də 4 gümüş və 4 bürünc mükafatı ölkəmizin aktivinə yazdırıblar.
Kopyalandı
#Günay Qurbanova teqi istifadə olunub
Seçilmişlər
