İdman
Pleyeri seçin:
Qadınlardan ibarət şahmat komandamız Avropa çempionatının gümüş medalını qazanıb
Azərbaycanın qadınlardan ibarət şahmat millisi tarixdə ilk dəfə Avropa çempionatında gümüş medal qazanıb.
Monteneqroda keçirilən yarışın 9-cu turunda şahmatçılarımızdan Ülviyyə Fətəliyeva, Gövhər Beydullayeva və Xanım Balacayeva Serbiya təmsilçilərinə qalib gəliblər. Günay Məmmədzadə isə məğlub olub.
Beləliklə, qarşılaşmada 3-1 hesablı qələbə qazanan yığmamız ümumilikdə 15 xal toplayaraq turnirdə 2-ci yerə layiq görülüb.
Qeyd edək ki, qadınlardan ibarət komandamız çempionat ərzində cəmi 1 dəfə məğlub olub. 7-ci turda Bolqarıstan kollektivinə uduzan millimiz 4-cü turda Fransa nümayəndələri ilə heç-heçə edib. Kişilərdən ibarət millimizin Budva şəhərindəki çıxışı isə uğursuz olub. 9-cu turda İtaliya ilə sülh bağlayan qrossmeysterlərimiz yekunda 9 xal toplayaraq 18-ci yeri tutublar.
Kopyalandı
Seçilmişlər
