“Qalatasaray” 1/8 finalda | “Aslan”dan böyük uğur - Baku TV
UEFA Çempionlar Liqasının pley-off mərhələsinin cavab matçında “Qalatasaray” İtaliyada “Yuventus”un qonağı olub.
İstanbuldakı 2-5 hesablı məğlubiyyətin əvəzini çıxmağa çalışan “qoca sinyora” ilk hissəni Manuel Lokatellinin penaltidən vurduğu qolla 1-0 irəlidə bitirib.
İkinci hissədə hücumlarının kəsərini artıran “Yuve”li futbolçular Federiko Qatti ilə Ueston Makkennin qolları sayəsində hesabı 3-0-a çatdıraraq ümumi nəticəni bərabərləşdiriblər: 5-5.
48-ci dəqiqədə Loyd Kellinin kobud oyununa görə qırmızı vərəqə alaraq qovulmasına baxmayaraq, meydanda 2-ci hissənin də üstün tərəfi elə meydan sahibləri olub.
90 dəqiqə ərzində oyunda başqa qol olmadığına görə qalibi müəyyən etmək üçün əlavə 30 dəqiqəyə ehtiyac duyulub. Artırılmış birinci 15 dəqiqənin sonunda Viktor Osimhen fərqlənərək italyanlara şok yaşadıb. Barış Alperin 119-cu dəqiqədə vurduğu qol isə “Yuventus”un közərən ümidləri üzərinə su səpib.
Beləliklə, 2-3 hesablı məğlubiyyətə baxmayaraq, ümumi hesabda 7-5 qalib gələn “aslan” adını 1/8 final mərhələsinə yazdırmağı bacarıb.
#UEFA Çempionlar Liqası teqi istifadə olunub
- Tyaqo Pitarç: "Çempionlar Liqasında özümü virtual reallıqda kimi hiss etdim"
- "Qarabağ" qələbə üçün nə etməlidir? - İdman jurnalisti şərh etdi - Baku TV
- "Qarabağ"la oyundan sonra həftənin ən yaxşı futbolçusu o oldu | Yeni idman xəbərləri - Baku TV
- Qurbanov "Qarabağ"ın məğlubiyyətindən danışdı | Koxalski ÇL tarixinə adını belə yazdırdı - Baku TV
- "Qarabağ"ın "Nyukasl"a 1:6 hesabı ilə məğlub olması necə dəyərləndirilir? - İDMANDA NƏ BAŞ VERİR?
