Pleyeri seçin:
“Qalatasaray” daha bir oyunçusunu itirə bilər
Bir neçə gün öncə fransalı ulduz Saşa Boe ilə yollarını ayıran “Qalatasaray”da daha bir ayrılıq gündəmdədir.
Türkiyə mətbuatında yayılan məlumata görə, “sarı-qırmızılar”ın heyətində icarə əsasında top qovan Anxelinyo “Roma” klubuna keçməyə hazırlaşır.
Müqavilə ilə “Leypsiq”ə məxsus olan 27 yaşlı müdafiəçi mövsümün ikinci hissəsini yenidən icarə əsasında “canavarlar”ın heyətində keçirəcək. Bildirilir ki, ispaniyalı futbolçu artıq İtaliyaya gedib, növbəti həftə isə tibbi müayinədən keçəcək.
Qeyd edək ki, “Leypsiq”lə müqaviləsi 2025-ci ilə qədər olan Anxelinyo ötən ildən “Qalatasaray”da çıxış edir. Bu müddət ərzində 19 matçda forma geyinən futbolçu cəmi 1 dəfə rəqib qapılarına yol tapıb.
Kopyalandı
#Qalatasaray FK teqi istifadə olunub
Seçilmişlər
