Pleyeri seçin:
“Qalatasaray” klubu heyətini macarıstanlı futbolçu ilə gücləndirib
“Qalatasaray” klubu heyətini daha bir futbolçu ilə gücləndirib.
Türkiyə nəhəngi Macarıstan millisinin üzvü Roland Şallaini heyətinə qatıb. 27 yaşlı vingerlə 4 illik müqavilə imzalanıb.
Bu barədə “sarı-qırmızılar”ın Mətbuat Xidməti məlumat yayıb.
“Qalatasaray” bu transfer üçün Almaniya təmsilçisi “Frayburq”a 6 milyon avro ödəyəcək. Roland “cimbom”un heyətində illik 2,5 milyon avro qazanacaq.
Qeyd edək ki, Roland Şallai 2018-2024-cü illərdə “Frayburq”un formasını geyinib. Bu müddət ərzində 163 matça çıxan Şallai 27 qol və 23 məhsuldar ötürmə müəllifi olub. 2016-cı ildən ölkəsinin əsas millisinə də dəvət olunan futbolçu 54 görüşdə 13 dəfə fərqlənib.
Kopyalandı
Seçilmişlər
