“Qalatasaray”ın sabiq futbolçusu “Sabah” klubunda

“Sabah” klubu daha bir transferini açıqlayıb.

“Bayquşlar” son olaraq “Eyüpspor” klubunda çıxış edən Cessi Sekidikanı heyətə qatıblar. 27 yaşlı forvardla 2 illik müqavilə imzalanıb. O, Bakı təmsilçisində 70 nömrəli formanı geyinəcək.

Qeyd edək ki, C.Sekidika əsasən Türkiyə klublarında çıxışına görə tanınır. O, müxtəlif vaxtlarda bu ölkənin “Qalatasaray", “Eskişehirspor”, “Konyaspor”, “Eyüpspor”, “Ümraniyespor” və Belçikanın “Leven” klublarında top qovub. “Transfermarkt” portalına əsasən, dəyəri 500 min avro olan Cessi son komandası “Eyüpspor”dan azad agent kimi ayrılıb.

Xatırladaq ki, “Sabah” kollektivi yay transfer pəncərəsində 7 oyunçunu heyətinə qatıb. Klub Jarl Marqarita, Ayaz Quliyev, Maruan Hadudi, Vensan Til, Rəhman Daşdəmirov və Sofian Çaklanı komandaya cəlb edib.