“Qarabağ” 9-cu turda “Sumqayıt”la qarşılaşıb

07 oktyabr 2024 218 baxış

Azərbaycan Premyer liqasının 9-cu turuna Sumqayıtda yekun vurulub.

Eyni adlı komanda Mehdi Hüseynzadə adına Sumqayıt Şəhər Stadionunda “Qarabağ”ı qəbul edib.

Oyunun ilk hissəsində qapılar qarşısında təhlükəli vəziyyətlər yaransa da, fasiləyədək qol olmayıb. Görüşdə hesab 74-cü dəqiqədə açılıb. Elvin Cəfərquliyev meydan sahiblərinin qapısına yol tapıb. Qalan vaxtda “Sumqayıt” tarazlığı bərpa etməyə çalışsa da, səyləri nəticəsiz qalıb.

Beləliklə xallarının sayınə 21-ə çatdıran “Qarabağ” əvvəlki kimi yarış cədvəlinə başçılıq edir. Ağdam klubu ən yaxın izləyicisi “Turan Tovuz”u 3 xal qabaqlayır. 7 xalı olan “Sumqayıt” isə 7-ci yerdədir.

Qeyd edək ki, “Sumqayıt” növbəti turda “Turan Tovuz”la üz-üzə gələcək. “Qarabağ” isə “Kəpəz”in qonağı olacaq. Ölkəmizi Avropa liqasında da təmsil edən “köhlən atlar” bu yarışda növbəti matçı Niderlandın “Ayaks” kollektivinə qarşı keçirəcək. Liqa mərhələsinin 3-cü tur oyunu oktyabrın 24-ü Bakıda təşkil olunacaq.

#Qarabağ FK