Pleyeri seçin:
“Qarabağ” ardıcıl 10-cu mövsüm avrokubokun qrupunda çıxış edəcək
“Qarabağ” klubu Avropa liqasında növbəti qələbəsini qazanıb.
Komandamız III təsnifat mərhələsinin cavab matçında Finlandiyanın HİK kollektivinin qonağı olub.
Hesabı artıq 10-cu dəqiqədə meydan sahibləri açıblar. Santeri Hostikka fərqlənib. Az sonra HİK azlıqda qalıb. Kevin Kuassivi-Benissan qısa vaxt ərzində 2 dəfə sarı vərəqə ilə cəzalandırılıb.
İlk hissənin sonlarında “Qarabağ” hesabı bərabərləşdirib. Toral Bayramov penaltini dəqiq yerinə yetirib. 2-ci yarıda hücumlarını davam etdirən təmsilçimiz 56-cı dəqiqədə hesabda önə keçib. Yassin Benzia HİK-in qapısına yol tapıb. Qalan vaxtda başqa qol olmayıb. HİK – “Qarabağ”: 1-2.
İlk oyunda da eyni hesabla qələbə qazanan Azərbaycan çempionu Avropa liqasında pley-off mərhələsinə yüksəlməklə yanaşı, həm də Konfrans liqasının qrup mərhələsinə vəsiqəni təmin edib. Bununla da, baş məşqçi Qurban Qurbanovun kollektivi ardıcıl 10-cu mövsüm avrokubokların qrup mərhələsinə vəsiqə qazanıb.
Kopyalandı
#Qarabağ FK teqi istifadə olunub
- "Qarabağ" çətin sınaqdan necə çıxacaq? | Mütəxəssisdən açıqlama - Baku TV
- İngiltərə klubları bu məşhur türk futbolçunu heyətlərinə qatmaq istəyir - Baku TV
- "Qarabağ"ın heç-heçəsi Azərbaycana nə qazandırdı? | UEFA reytinqi | Yeni idman xəbərləri - Baku TV
- Azərbaycan klubları avrokuboklarda növbəti oyunlarını keçirdi
- “Qarabağ”ın Avropa Liqasındakı potensial rəqibləri müəyyənləşdi | Yeni idman xəbərləri - Baku TV
Seçilmişlər
