“Qarabağ” Avropa liqasında ikinci qələbəsini qazandı

“Qarabağ” komandası UEFA Avropa liqasının qrup mərhələsində növbəti görüşünü keçirib.

“Köhlən atlar” 2-ci tur çərçivəsində İsveçin “Hekken” kollektivinin qonağı olub. Fasiləyədək tərəflərin fərqlənmək səyləri nəticəsiz qalıb. 2-ci yarıda təzyiqi artıran Ağdam təmsilçisi 70-ci dəqiqədə istəyinə nail olub. Yassin Benzianın ötürməsindən sonra Juninyonun zərbəsi dəqiq alınıb. Qalan vaxtda başqa qol olmayıb. “Hekken” – “Qarabağ”: 0-1.

H qrupunun digər matçında isə “Bayer Leverkuzen” Norveçin “Molde” klubuna 2-1 hesabı ilə qalib gəlib.

Bu nəticələrdən sonra hərəyə 6 xal toplayan “Bayer” və “Qarabağ” qrupda 1-ci, 2-ci yerləri bölüşdürürlər. Xalsız olan “Molde” və “Hekken” isə sonrakı pillələrdədir.

Qeyd edək ki, “Qarabağ” qrup mərhələsinin növbəti oyununda “Bayer”in qonağı olacaq. Oktyabrın 26-sı baş tutacaq görüş Leverkuzenin “BayArena” stadionunda keçiriləcək.