İdman
Pleyeri seçin:
“Qarabağ” klubu PSJ-nin sabiq futbolçusunu heyətinə qatacaq
“Qarabağ” klubu heyətini PSJ-nin sabiq futbolçusu ilə gücləndirəcək.
Bolqarıstan mediasında yayılan xəbərə görə, “köhlən atlar” bu ölkənin “Botev” komandasında çıxış edən Antuan Kontla maraqlanır. İddia olunur ki, Azərbaycan çempionu 30 yaşlı qvineyalı mərkəz müdafiəçisi üçün artıq danışıqlara başlayıb.
Qeyd edək ki, “Botev”lə müqaviləsi yayadək olan Antuan 2023-cü ildən bu kollektivin formasını geyinir. Plovdiv təmsilçisinin heyətində 42 matçda meydana çıxan Kont 1 qol və 1 məhsuldar ötürmə ilə yadda qalıb. Təcrübəli futbolçu klubla yalnız bir yarışda – Bolqarıstan kubokunda qalib gəlib.
Kopyalandı
