“Qarabağ”ın Çempionlar liqasında növbəti rəqibləri məlumdur

Ölkəmizi UEFA Çempionlar liqasında təmsil edən “Qarabağ” komandasının potensial rəqibləri müəyyənləşib.

İsveçrənin Nyon şəhərində keçirilən püşkatmaya əsasən, “köhlən atlar” III təsnifat mərhələsinə adlayacağı təqdirdə Bolqarıstanın “Ludoqorets” və Belarusun “Dinamo Minsk” klubları arasında mübarizədə güclü olan tərəflə qarşılaşacaq.

Bu mərhələnin ilk oyunları avqustun 6-da və 7-də, cavab görüşləri isə avqustun 13-də baş tutacaq.

Qeyd edək ki, “Qarabağ” Çempionlar liqasının II təsnifat mərhələsində Cəbəllütariqin “Linkoln” kollektivi ilə üz-üzə gələcək. Tərəflər arasında “Viktoriya Stedium”da keçiriləcək ilk matç iyulun 23-ü saat 20:00-da başlayacaq. Komandalar arasında cavab görüşü isə iyulun 30-u Bakıda təşkil olunacaq. Bu oyunun start fiti də saat 20:00-da veriləcək.