“Qarabağ”ın dünya reytinqində yeni mövqeyi açıqlanıb

“Qarabağ” komandasının dünya reytinqində yeni mövqeyi müəyyənləşib.

“Köhlən atlar” Beynəlxalq Futbol Tarixi və Statistikaları Federasiyasının tərtib etdiyi siyahıda 87-ci yerdədir. 166,25 xalı olan Azərbaycan çempionu əvvəlki göstərici ilə müqayisədə 6 pillə geriləyib.

Digər klublarımızdan “Zirə” 208-ci, “Sabah” 400-cü, “Turan Tovuz” isə 499-cu yerdədir.

Ümumilikdə 504 komandanın olduğu siyahıya Çempionlar liqasının son qalibi “Real Madrid” başçılıq edir. 481 xalı olan “los blankos” ən yaxın izləyicisi “Bayer Leverkuzen”i 71 xal qabaqlayır. İlk üçlüyü İtaliyanın “Atalanta” kollektivi qapayır.

İlk onluğun digər pillələrində İngiltərədən “Liverpul”, “Mançester Siti” və “Arsenal”, İspaniyadan “Barselona” və “Atletiko Madrid” komandaları, habelə Libertadores kubokunun son sahibi Braziliya təmsilçisi “Botafoqo”, eləcə də İtaliyanın “İnter” klubu mövqe tutublar.