“Qarabağ”ın matçında gözlənilməz nəticə qeydə alınıb

03 fevral 2025 366 baxış

Futbol üzrə Azərbaycan çempionatının 21-ci turuna “Zirə” – “Qarabağ” matçı ilə yekun vurulub.

5 qolun qeydə alındığı görüşdə hesabı 20-ci dəqiqədə Aleksey Kaşuk açıb. Fasilə ərəfəsində Patrik Andrade 2-ci topu “qartallar”ın qapısına göndərib.

İlk yarı “köhlən atlar”ın 2-0 hesablı üstünlüyü ilə bitib. 2-ci yarıda isə meydan sahibləri dönüş ediblər. Əvvəlcə 56-cı dəqiqədə qollardan birinin əvəzini çıxan Salifu Suma bir qədər sonra tarazlığı bərpa edib: 2-2.

Bundan sonra da hücumlarını davam etdirən “qartallar” 90-cı dəqiqədə qələbə topunu vurublar. David Volkov qarşılaşmada son nöqtəni qoyub. “Zirə” – “Qarabağ”: 3-2.

Bu qalibiyyət sayəsində xallarının sayını 39-a çatdıran baş məşqçi Rəşad Sadıqovun komandası çempionatda 3-cü yerdədir. Ardıcıl 2-ci matçda uduzan “Qarabağ” isə 50 xalla liderliyini davam etdirir.

Fevralın 10-u növbəti turda “Zirə” “Neftçi”ni qəbul edəcək. Ağdam klubu isə fevralın 11-i “Səbail”i sınağa çəkəcək.

#Qarabağ FK