“Qarabağ”ın üzvü Julio Romao məşhur klubun hədəfində

“Qarabağ”ın aparıcı futbolçularından Julio Romao klubu tərk edə bilər.

Yerli mediada yayılan xəbərə görə, braziliyalı yarımmüdafiəçi “Ferentsvaroş”un diqqət mərkəzindədir. Bildirilir ki, Macarıstan təmsilçisi J.Romaonu yayda transfer oluna biləcək oyunçuların siyahısına əlavə edib.

Qeyd edək ki, J.Romao 2022-ci ildən “köhlən atlar”ın şərəfini qoruyur. 350 min avroya Portuqaliyanın “Santa-Klara” klubundan cəlb olunan dayaq yarımmüdafiəçisi bütün yarışlarda 92 matçda meydana çıxıb və 2 qol vurub.