Qrapplinq üzrə dünya çempionatına yollanacaq idmançılarla görüş

06 oktyabr 2024 236 baxış

Oktyabrın 5-i Qazaxıstanda keçiriləcək qrapplinq üzrə dünya çempionatına yola düşən Azərbaycan yığma komandasının üzvləri ilə görüş keçirilib.

Tədbirdə MMA və Qrapplinq Federasiyasının prezidenti Azad Əsgərov, federasiyanın vitse-prezidenti Hüseynəli Abbaslı, “Zeyd İdman Mərkəzi”nin prezidenti Vüqar Tağıyev və mərkəzin nümayəndələri iştirak ediblər.

Görüşdə federasiya prezidenti və məsul şəxslər komandanın hazırlığı, eləcə də qarşıdakı yarışın əhəmiyyəti barədə söz açaraq hakimlərə, məşqçilərə və idmançılara öz tövsiyələrini veriblər.

“Zeyd İdman Mərkəzi”nin rəhbərliyi də idmançılara öz dəstəyini ifadə edərək daim yığmanın yanında olduqlarını bildiriblər. Tədbirin davamında komandamızın üzvlərinə yeni idman geyimləri təqdim olunub. Görüşün sonunda xatirə şəkli çəkdirilib.

Xatırladaq ki, oktyabrın 7-dən 12-dək Qazaxıstanın Astana şəhərində keçiriləcək dünya çempionatında ölkəmizdən 40 nəfərlik heyət iştirak edəcək.

#Dünya çempionatı