Pleyeri seçin:
"Araz-Naxçıvan" və "Qəbələ" onların başağrısı olacaq" | İDMANDA NƏ BAŞ VERİR?
“İdmanda nə baş verir?” podkastının növbəti buraxılışı yayımlanıb.
Bu dəfə verilişin qonağı tanınmış idman jurnalisti Mehman Süleymanov olub.
Buraxılışda Azərbaycan Premyer Liqasının 2025-2026-cı il mövsümü, eləcə də çempionatın sürpriz komandaları ilə bağlı fikir mübadiləsi aparılıb.
M.Süleymanovun fikrincə, “Araz-Naxçıvan” çempionatda mübarizəni sona qədər davam etdirəcək.
“Araz-Naxçıvan”dan sürpriz gözləyirəm. Komanda iddialıdır. “Trabzonspor”la matçda 3:2 hesabı ilə qalib gəldi. Hazırda yaxşı formadadır və uğurlu transferlər həyata keçirib.
Yeni mövsümün sürpriz komandalarından biri də “Qəbələ” olacaq. Bu klub rəqiblərinə ciddi başağrısı yarada bilər. Eyni zamanda “Sumqayıt” və “Karvan”ı da qeyd etmək lazımdır. İddialı komandalar arasında “Turan Tovuz” da var. Yeni mövsümdə Tovuz təmsilçisindən gözləntilər böyükdür”, – deyə jurnalist bildirib.
Kopyalandı
