"Arsenal" və "Tottenhem" üçün Premyer Liqada uğursuz gecə

29 dekabr 2023 219 baxış

İngiltərə Premyer liqasında 19-cu tura yekun vurulub. Çempionluğa iddialı olan “Arsenal” “Vest Hem” kollektivi ilə üz-üzə gəlib.

“Emirates Arena”da keçirilən görüş “çəkicdöyənlər”in 2-0 hesablı qələbəsi ilə bitib. 13-cü dəqiqədə Tomas Soucek hesabı açaraq “Vest Hem”i irəli çıxarıb. 55-ci dəqiqədə isə Konstantinos Mavropanos fərqi 2-yə çatdırıb. Bu nəticədən sonra aktivində 40 xal olan “Arsenal” turnir cədvəlində ikinci yerdədir. “Vest Hem” isə 33 xalla 7-cidir.

Gecənin digər görüşündə “Brayton” və “Tottenhem” kollektivləri üz-üzə gəlib. “Falmer” stadionunda keçirilən oyunda 6 qol vurulub. “Qağayılar”ın heyətində dubl edən Joao Pedro ilə yanaşı, Cek Hinşelvud və Perviz Estupinyan fərqlənib. “Mahmızlar” 2 dəfə “Brayton”un qapısına yol tapsa da, bu qollar sadəcə təsəlli olub. Hazırda aktivində 36 xalı olan “Tottenhem” turnir cədvəlinin 5-ci pilləsində qərarlaşıb. “Brayton” isə 30 xalla 7-ci yerdədir.

#İngiltərə Premyer liqası