"Barselona" Mbappenin transferinə belə cavab hazırlayır

Kilian Mbappeni heyətinə qatmağa yaxın olan “Real Madrid”ə cavab olaraq “Barselona” da ulduz transferinə hazırlaşır.

Kataloniyalılar “Napoli”nin vingeri Xviça Kvaratsxeliyanı komandaya cəlb etmək niyyətindədirlər. Xarici mediada yayılan məlumata görə, hücum xəttini gücləndirməyi planlaşdıran “Blauqrana” gürcüstanlı ulduza görə 100 milyon avro ödəməyə hazırdır.

Maraq üçün deyək ki, “Transfermarkt” portalına əsasən, dəyəri 80 milyon avro olan Xviçanın neapollularla müqaviləsi 2027-ci ilə qədərdir.

Xatırladaq ki, karyerası ərzində “Dinamo Tbilisi”, “Rustavi” və “Rubin” klublarında top qovan X.Kvaratsxeliya 2022-ci ildən “Napoli”nin üzvüdür. Ötən mövsüm İtaliya çempionu olan oyunçu bu müddət ərzində 72 matçda 20 qolla yadda qalıb.

Əlavə edək ki, 2019-cu ildən Gürcüstan millisinə də çağırılan “Kvara” 28 matçda 15 qol vurub.