Pleyeri seçin:
"Mingəçevir" klubu ilə ASTA arasında tərəfdaşlıq müqaviləsi imzalanıb
Yanvarın 15-də Futbolun İnkişaf Fondunun vasitəçiliyi ilə “Mingəçevir” futbol klubu və “Azerbaijan Sport Talents Academy” arasında tərəfdaşlıq müqaviləsi imzalanıb.
Mərasimin əvvəlində çıxış edən Futbolun İnkişaf Fondunun icraçı direktoru Tural Piriyev daha bir region klubuna tərəfdaş cəlb olunmasından qürur duyduğunu bildirərək, dəstəyə görə ASTA rəhbərliyinə təşəkkür edib.
ASTA-nın prezidenti Rafael Bunyatov isə “Mingəçevir” klubuna dəstək göstərməklə bölgədə idmanın inkişafına töhfə vermək istədiklərini vurğulayıb.
Çıxışların ardından “Mingəçevir” Futbol Klubunun İdarə Heyətinin sədri Nurlan Əhmədov və ASTA-nın prezidenti Rafael Bunyatov tərəfdaşlıq müqaviləsini imzalayıblar.
Tədbirin davamında “Mingəçevir” futbol klubunun inkişafı istiqamətində fikir mübadiləsi aparılıb.
Kopyalandı
#Mingəçevir FK teqi istifadə olunub
Seçilmişlər
