"Neftçi İK" Uşaq Futbol Məktəbində 300-dən artıq uşaq futbolun sirlərinə yiyələnir

Azərbaycan futbolunun gələcəyi burada yetişir! Baku TV-nin xüsusi reportajında "Neftçi İK" Uşaq Futbol Məktəbinin fəaliyyəti işıqlandırılır. Hazırda bu məktəbdə 300-dən artıq azyaşlı peşəkar məşqçilərin rəhbərliyi altında futbolun sirlərinə yiyələnir. Süjetdə Suraxanı rayonunda yerləşən məşq bazasındakı şərait, təlim-məşq prosesinin müasir metodikası və gənc futbolçuların gündəlik hazırlığı əks olunub. U-14 komandasının baş məşqçisi Babək Həsənovun verdiyi açıqlamaya görə, əsas hədəf milli komandalarımız üçün keyfiyyətli kadrlar hazırlamaq və uşaqlarda peşəkar idman vərdişlərini formalaşdırmaqdır. 1992-ci ildən bəri fəaliyyət göstərən və dəfələrlə "İlin idman cəmiyyəti" seçilən "Neftçi İK"-nın uşaq futboluna yatırdığı investisiyanın nəticələri Baku TV-də.