"Qalatasaray" - "Beşiktaş" matçında 3 qol

Türkiyə çempionatının 10-cu turu İstanbul derbisi ilə əlamətdar olub.

“Qalatasaray” klubu “Beşiktaş”la üz-üzə gəlib. “Rams Park”arenasında keçirilən matçda qapılara 3 qol vurulub.

Oyunda hesabı meydan sahibləri açıblar. 13-cü dəqiqədə Davinson Sançez “qara qartallar”ın qapısını dəqiq nişan alıb. İlk hissə “cim-bom”un minimal üstünlüyü ilə yekunlaşıb.

“Sarı qırmızılar” ikinci yarıda fərqi 2-yə çatdırıblar. 67-ci dəqiqədə Viktor Osimhen “ağ qaralar”ın azarkeşlərini məyus edib. “Beşiktaş” əsas vaxta əlavə olunan dəqiqədə toplardan birinin əvəzini çıxsa da, bu, sadəcə təsəlli olub. “Qalatasaray” – “Beşiktaş”: 2-1.

Qeyd edək ki, bu qələbədən sonra xallarının sayını 28-ə çatdıran “Qalatasaray” turnir cədvəlinə liderlik edir. 20 xalı olan “Beşiktaş” isə 4-cü yerdədir.