"Qarabağ" Avropa Liqasının 1/8 finalında "Bayer"lə cavab matçına çıxır

“Qarabağ” komandası bu gün UEFA Avropa liqasında növbəti görüşünə çıxacaq.

“Köhlən atlar” 2-2 hesabı ilə bitən 1/8 finalın ilk matçının revanşında “Bayer”lə üz-üzə gələcək.

“Bay Arena”da baş tutacaq qarşılaşma Bakı vaxtı ilə saat 23:55-də başlayacaq.

Oyunda ədalət prinsiplərini isə Entoni Teylorun rəhbərlik etdiyi ingiltərəli hakimlər briqadası qoruyacaq.

Qeyd edək ki, “Bayer”in liderlərindən Viktor Bonifeys zədə səbəbindən Azərbaycan çempionu ilə oyunu buraxır. “Qarabağ”da isə Juninyonun meydana çıxması sual altındadır.