İdman
Pleyeri seçin:
"Qarabağ" bu futbolçunun komandadan getdiyini açıqladı
“Qarabağ” klubu Hamidu Keyta ilə vidalaşıb.
Ağdam təmsilçisindən verilən rəsmi məlumata əsasən, 29 yaşlı futbolçunun müqaviləsinə qarşılıqlı razılıq əsasında xitam verilib.
Göstərdiyi xidmətlərə görə fransalı hücumçuya təşəkkür edən “Qarabağ” ona gələcək karyerasında uğurlar arzulayıb.
Xatırladaq ki, H.Keyta ötən ilin yayından “köhlən atlar”ın formasını geyinirdi. Premyer Liqanın digər üzvü “Zirə”dən azad agent kimi cəlb olunan oyunçu bütün yarışlarda 54 matçda iştirak edib.
Bu qarşılaşmalarda 9 qol vuran Hamidu həm də 7 asist müəllifi olub. Komanda ilə Azərbaycan çempionatı və ölkə Kubokunu qazanan futbolçunun sözləşməsi 2026-cı ilə qədər idi.
Qeyd edək ki, Fransanın “Qavr” klubunun yetirməsi olan H.Keyta daha əvvəl Rumıniyanın “Dunerya Keleraşi”, “Vitorul” və “Botoşani” kollektivlərində, eləcə də Portuqaliyanın “Santa-Klara” komandasında top qovub.
Kopyalandı
