Pleyeri seçin:
"Qarabağ" daha 1 futbolçu ilə yollarını ayırdı
Azərbaycan çempionu “Qarabağ” rusiyalı qapıçısı Andrey Lunyovla yollarını ayırıb.
Bu barədə komandanın sosial media hesablarında məlumat verilib.
32 yaşlı qolkiperin başa çatan müqaviləsini uzatmayan klub ona gələcək karyerasında uğurlar arzulayıb.
Qeyd edək ki, dəyəri təqribən 1 milyon avro olan Andreyin karyerasını ölkəsinin “Dinamo Moskva” və ya “Rostov” kollektivlərində davam etdirəcəyi güman olunur.
Xatırladaq ki, ötən yaydan “Qarabağ”ın formasını geyinən A.Lunyov bütün yarışlarda 34 matçda qapısından 43 top buraxıb. Geridə qalan mövsümdə “köhlən atlar”la Azərbaycan çempionu olan futbolçu daha əvvəl ölkəsinin bir sıra klublarında, eləcə də Almaniyanın “Bayer Leverkuzen” kollektivində çıxış edib.
Kopyalandı
Seçilmişlər
