"Qarabağ" vacib 3 xalı son saniyədə qazandı | Komandamız beynəlxalq mediada - İDMANDA NƏ BAŞ VERİR?

22 yanvar 2026 111 baxış

“İdmanda nə baş verir?” podkastının yeni buraxılışında idman jurnalisti Səbuhi Musa “Qarabağ” klubunun “Ayntraxt Frankfurt” komandası üzərindəki qələbəsini şərh edib.

Jurnalist oyunu belə dəyərləndirib:

“Qarabağ” “Ayntraxt”la pis oynamadı, gözləntiləri doğrultdu. “Ayntraxt”ın məğlub olacağı hiss olunurdu. Bunun bir neçə səbəbi var idi: komandanın baş məşqçisi dəyişmişdi, hücumçu problemləri var idi və onlar 3 dəfə səfər oyununa çıxmışdılar. Bu matçda “Qarabağ”ın oyunçusu Abdullah Zubir çox parlamasa da, komanda olaraq möhtəşəm oyun sərgilədilər”.

Səbuhi Musa həmçinin Ağdam klubunun pley-off şanslarını da şərh edib:

“Axırıncı qələbədən sonra 18-ci yerdəyik. Qarşıdakı oyunumuz “Liverpul”la baş tutacaq. Məncə, “Liverpul” “Qarabağ”a qarşı oyuna ikinci heyəti buraxa bilər. “Liverpul”dan alınacaq bir xal bizim üçün kifayətdir. Hər şey gedişatdan asılıdır, amma mənə elə gəlir ki, 99 faiz pley-offu təmin etmişik”.

#Qarabağ FK