"Qarabağ"ın Andrey Lunyovla vidalaşması doğru addımdır? | Ekspert rəyi

05 iyun 2024 288 baxış

“Qarabağ” son vaxtlar yeni müqaviləsi ilə gündəm olan Andrey Lunyovla bağlı qərarını verib.

Klub sözləşməsi iyunun sonunadək olan 32 yaşlı rusiyalı qapıçı ilə yollarını ayırıb.

Transfer bazarında daim doğru seçimlər edən Ağdam təmsilçisi artıq yeni qolkiper axtarışındadır.

A.Lunyovun çıxışı ötən mövsüm ərzində zaman-zaman həm futbolsevərlər, həm də mütəxəssislər tərəfindən tənqid olunurdu. Azərbaycan çempionatında uğurlu qurtarışları ilə diqqətçəkən təcrübəli oyunçu avrokuboklarda bəzən inamsız təsir bağışlayırdı.

Millimizin sabiq üzvü Əfran İsmayılovun fikrincə, “Qarabağ” rəhbərliyi A.Lunyovu komandadan göndərməklə doğru qərar verib:

“Həmişə söyləmişəm ki, A.Lunyov “Qarabağ” səviyyəsində qapıçı deyil. Onun “Bayer Leverkuzen”lə oyunda buraxdığı topları Şahruddin olsaydı, çıxarardı. Mənim üçün Şahruddin A.Lunyovdan daha güclü qapıçıdır. Ona görə də A.Lunyovun gedişi üzücü bir şey deyil”.

#Qarabağ FK