"Qarabağ"ın sabiq üzvü Hamidu Keytanın yeni klubu məlumdur

“Qarabağ”la müqaviləsinə qarşılıqlı razılıq əsasında xitam verən Hamidu Keytanın yeni klubu məlum olub.

29 yaşlı futbolçu Türkiyə Superliqası komandalarından “Konyaspor”a qoşulub. Fransalı vinger bu kollektivlə 2 illik sözləşməyə qol çəkib.

Qeyd edək ki, ötən mövsümü “Qarabağ”da keçirən H.Keyta bütün yarışlarda 54 matçda “köhlən atlar”ın formasını geyinib. Bu qarşılaşmalarda 9 qol və 7 assistlə yadda qalan Hamidu komanda ilə Azərbaycan çempionatı və ölkə kubokunun qalibi olub.