"Qarabağ"ın sabiq üzvü Kvabena Ovusu "Ferentsvaroş"dan ayrılmağa yaxındır

“Qarabağ”ın sabiq futbolçusu Kvabena Ovusu Macarıstanın “Ferentsvaroş” kollektivindən getməyə yaxındır.

Bu barədə “goal.com” saytı məlumat yayıb. Bildirilir ki, “Ferentsvaroş”un əsas heyətindən kənarda qalan 26 yaşlı hücumçu komandanın İspaniyadakı təlim-məşq toplanışına da aparılmayıb.

Son xəbərlərə görə, Türkiyənin “Sivasspor” klubu qanalı forvardın transferi ilə bağlı təklif ünvanlayıb. Bundan başqa, Kvabenanın “Qarabağ”ın da diqqət mərkəzində olduğu bildirilir.

Qeyd edək ki, Ovusu ötən ilin yanvarından “Ferentsvaroş”da çıxış edir. 500 min avroya “Qarabağ”dan cəlb olunan forvard Macarıstan kollektivində 29 matçda 6 qolla yadda qalıb.