"Qarabağ"ın transfer hədəfi məlum olub

“Qarabağ” klubunun növbəti transfer hədəfi müəyyənləşib.

Yerli mətbuatda yayılan xəbərə əsasən, “köhlən atlar” Zaqreb “Dinamo”sunun xorvatiyalı qapıçısı İvan Nevistiçlə maraqlanır.

İddia olunur ki, yeni müqavilə üzrə yüksək məvacib istəyən Andrey Lunyovun komandadan gedəcəyi təqdirdə onun yerinə məhz İvan gətiriləcək.

Qeyd edək ki, 2021-ci ildən “Dinamo”nun üzvü olan 25 yaşlı Nevistiçin müqaviləsi 2025-ci ilə qədər nəzərdə tutulub. Cari mövsümdən kollektivin əsas oyunçusu olan qolkiper bütün yarışlarda 26 matçda meydana çıxıb və qapısından 26 top buraxıb.