Pleyeri seçin:
"Real Madrid" "Bayer Leverkuzen"in 3 futbolçusunu transfer edəcək
Bundesliqa lideri “Bayer Leverkuzen”in 3 futbolçusu “Real Madrid”in maraq dairəsindədir.
Xarici mətbuatda yayılan məlumata görə, “kral klubu” Ceremi Frimponq, Florian Virts və Viktor Bonifeysi heyətinə qatmağı planlaşdırır.
Bundan başqa, bundesliqa lideri olan leverkuzenlilərin baş məşqçisi Xabi Alonsonun da “Real”a keçidi gündəmdədir. Belə ki, hazırda “Real”ı çalışdıran Karlo Ançelottinin mövsümün sonunda Braziliya millisinin sükanı arxasına keçəcəyi bildirilir.
Qeyd edək ki, “los blankos”un hədəfində olan futbolçulardan hər biri cari mövsümdə uğurlu çıxışı ilə diqqət çəkir. “Bayer”in əsas qol silahı hesab olunan Bonifeys bütün yarışlarda 16 matçda 11 topun müəllifidir. Eyni sayda görüşdə iştirak edən Frimponq 5 qol və 7 assist, almaniyalı vunderkind Virts isə 17 oyunda 6 qol və 10 məhsuldar ötürmə ilə yadda qalıb.
Kopyalandı
#Real Madrid FK teqi istifadə olunub
Seçilmişlər
