"Zirə" klubu məşhur futbolçumuzu heyətinə qatdı
“Zirə” komandası yeni transferini açıqlayıb. Paytaxt təmsilçisi yığmamızın sabiq üzvü Araz Abdullayevi heyətinə qatıb.
31 yaşlı futbolçu ilə mövsümün sonunadək müqavilə imzalanıb. Ancaq tərəflər arasında razılığa əsasən, “qartallar” onun sözləşməsini uzatmaq hüququna malikdir.
Qeyd edək ki, son olaraq Kosovonun “Lapi” klubunda çıxış edən Araz bu ilin yanvarından azad agent statusunda idi. Daha əvvəl isə o, ölkəmizin “Neftçi”, “Qəbələ”, “Qarabağ” və “Sumqayıt” kollektivlərində top qovub. Bundan başqa, müxtəlif vaxtlarda İngiltərənin “Everton”, Yunanıstanın “Panionios”, Kiprin “Anortosis” və “Etnikos”, eləcə də Türkiyənin “Boluspor” klublarında çıxış edib. 2008-2021-ci illərdə millimizə də çağırılan A.Abdullayev 44 matçda forma geyinib. O, bu qarşılaşmalarda 3 qolla yadda qalıb.