"Zirə" klubunun ilk rəqibi məlum oldu

Ölkəmizi UEFA Avropa Liqasında təmsil edəcək "Zirə" klubunun 1-ci təsnifat mərhələsindəki rəqibi məlum olub.

İsveçrənin Nyon şəhərində keçirilən püşkatmanın nəticəsinə görə, “qartallar” Moldovanın "Şerif" komandası ilə qarşılaşacaq.

Qeyd edək ki, Avropa Liqasında 1-ci təsnifat mərhələsinin ilk oyunları iyulun 11-i, cavab matçları isə 18-də keçiriləcək.

Xatırladaq ki, “Zirə” klubu tarixində 2-ci dəfə ölkəmizi Avropa Liqasında təmsil edəcək. Komanda daha əvvəl 2017-2018-ci illər mövsümündə turnirin 1-ci təsnifat mərhələsində Lüksemburqun "Differdanj" komandasını mübarizədən kənarlaşdırsa da, 2-ci təsnifatda Rumıniyanın "Astra" komandasına 2 oyunun nəticəsinə görə məğlub olub.