Pleyeri seçin:
"Zirə" minifutbol klubu Çempionlar Liqasında uğurla çıxış edib
Minifutbol üzrə “Zirə” komandası Çempionlar Liqasında uğurla çıxış edib.
Təmsilçimiz Rumıniyanın Oradea şəhərində baş tutan turnirdə 3-cü yeri tutub. Komandamız bürünc medallar uğrunda görüşdə yarışın ötənilki qalibi AEK kollektivi ilə qarşılaşıb. Maraqlı mübarizə şəraitində keçən oyunda 6 qol vurulub. Matç “Zirə” futbolçularının 5-1 hesablı inamlı qələbəsi ilə yekunlaşıb. Bununla da komandamız Çempionlar Liqasını 3-cü pillədə tamamlayıb.
Qeyd edək ki, “Zirə” kollektivi daha əvvəl yarışın 1/4 final mərhələsində İngiltərənin “EyBiSi Sokker” komandasına 5-0 hesabı ilə qalib gələrək yarımfinala vəsiqə qazanıb. Burada Monteneqronun “Sportsko” klubuna uduzan təmsilçimiz 3-cü yer uğrunda görüşə qatılmaq hüququ əldə edib.
Xatırladaq ki, turnirdəki daha bir təmsilçimiz “Birbaşa Bakı” 1/4 finalda məhz AEK-ə uduzaraq yarışla vidalaşıb.
Kopyalandı
#Minifutbol teqi istifadə olunub
- Birinci xanım minifutbol üzrə Azərbaycan millisinin dünya çempionluğu münasibətilə paylaşım edib
- Minifutbol millimiz Avropa Çempionatının 1/4 finalına yüksəlib
- Millimiz Fransa yığmasına qalib gəlib
- Ölkəmiz 2025-ci ildə dünya çempionatına ev sahibliyi edəcək
- Minifutbol yığmamız dünyanın ən yaxşıları arasında yer aldı
Seçilmişlər
