“Real” səfərdə “Liverpul”u darmadağın edib

UEFA Çempionlar Liqasında 1/8 finalın daha 2 görüşü keçirilib.

Turnirin son qalibi “Real Madrid” “Enfild” arenasında “Liverpul”un qonağı olub. Oyuna yaxşı başlayan meydan sahibləri 14-cü dəqiqəyədək 2 qol vurublar.

Əvvəlcə Darvin Nunyez, bir qədər sonra isə Salah fərqlənib. Lakin “kral klubu” dönüş etməyi bacarıb. İlk yarının sonunadək Vinisius dubl edərək tarazlığı bərpa edib: 2-2.

Fasilədən sonra isə “Real” daha 3 dəfə “mersisaydlılar”ın qapısına yol tapıb. Əvvəlcə Militao hesabı 3-2 edib. Daha sonra isə Benzema dublunu rəsmiləşdirib. Liverpul-Real: 2-5.

Bu nəticə İspaniya nəhəngi üçün əlamətdar olub. Belə ki, indiyədək heç bir klub avrokubok görüşündə “Enfild”də 5 qol vura bilməmişdi.

Qeyd edək ki, bu komandalar arasında cavab matçı martın 15-i Madriddə keçiriləcək.