“Real” ulduz futbolçuya görə 1 milyard avro tələb edir

Kilian Mbappeni heyətinə qatmağa hazırlaşan “Real”ın əsas ulduzlarından Vinisius Junior top komandaların diqqət mərkəzindədir.

İspaniya mətbuatında yayılan xəbərə görə, PSJ braziliyalı futbolçu üçün 200 milyon avro ödəməyə hazırdır. Ancaq bu məbləğ “kral klubu”nu qane etmir. “Real” Vinisiusun transferindən 1 milyard avro qazanmaq niyyətindədir. Belə ki, 23 yaşlı vingeri növbəti mövsümdə də heyətdə saxlamaq istəyən Madrid təmsilçisi yalnız fantastik təklif qarşılığında onunla vidalaşa bilər.

Qeyd edək ki, “transfermarkt” portalına əsasən, dəyəri 150 milyon avro olan Vinisius PSJ ilə yanaşı, “Mançester Yunayted”in də maraq dairəsindədir.