Rəcəb Tayyib Ərdoğan Türkiyə millisini qələbə münasibətilə təbrik etdi

Türkiyə millisinin Xorvatiya yığması üzərində qələbəsindən sonra ölkə prezidenti Rəcəb Tayyib Ərdoğan komandanı təbrik edib.

İtaliyalı baş məşqçi Vinçenso Montellaya təşəkkür edən dövlət başçısı çox gözəl oyun keçirdiklərini söyləyib.

Qeyd edək ki, AVRO 2024-ün seçmə mərhələsində Xorvatiyanı 1-0 hesabı ilə məğlub edərək xallarının sayını 13-ə çatdıran Türkiyə yığması D qrupunda liderliyə yüksəlib. Xorvatiya millisi isə 10 xalla 2-ci pillədədir.