Sabir Zeynalov Paralimpiya Oyunlarında bürünc medal qazanıb

Parisdə təşkil olunan Paralimpiya Oyunlarında taekvondoçumuz Sabir Zeynalov bürünc medal qazanıb.

58 kq-dək çəkidə yarışan idmançımız mükafat uğrunda görüşdə Tailand təmsilçisindən güclü olub.

Qeyd edək ki, Sabir Zeynalov Fransa paytaxtında keçirilən turnirə 1/4 finaldan başlayıb. Burada Yaponiya nümayəndəsini məğlub edən parataekvondoçumuz növbəti mərhələdə Türkiyə idmançısına uduzaraq bürünc medal uğrunda qarşılaşmada iştirak edib.