Şahmat üzrə yeni dünya çempionu müəyyənləşdi

Qazaxıstanın paytaxtı Astanada şahmat tacı uğrunda həlledici görüşlər keçirilib.

Rusiyalı Yan Nepomnyaşi və çinli Din Lijen arasında dueldə idmançılar 14 klassik partiyadan sonra qalibi müəyyənləşdirə bilməyiblər. Hesab 7-7 olduğundan tay-brekə ehtiyac yaranıb.

Burada da gərgin mübarizə getsə də, yekunda D.Lijen qələbə qazanmağı bacarıb. Bununla da, Din 17-ci dünya çempionu adına yiyələnib. O həm də bu uğura imza atan Çinin ilk şahmatçısı kimi tarixə düşüb.