Pleyeri seçin:
Samir Abasov "Barselona" prezidenti Joan Laporta ilə görüşüb
“Sumqayıt” klubunun baş məşqçisi Samir Abasovun “Barselona” prezidenti Joan Laporta ilə görüşü baş tutub.
Bu barədə “kimyaçılar”ın mətbuat xidməti məlumat yayıb.
Təcrübə proqramı çərçivəsində İspaniyada olan 46 yaşlı mütəxəssis əvvəlcə aprelin 21-i "Real Madrid" və "Barselona" klubları arasında matça baxıb. Daha sonra “blauqrana”nın hazırlıq prosesini izləyən S.Abasov komandanın məşqçisi Oskar Hernandez və digər mütəxəssislərlə görüşüb.
Bundan başqa, azərbaycanlı çalışdırıcı “Barselona” akademiyasında fiziki hazırlıq üzrə direktor Manuel Lapuente ilə gənc oyunçuların əsas komandaya uyğunlaşması barədə fikir mübadiləsi aparıb.
Qeyd edək ki, təcrübə proqramının sonunda Samir Abasovun "Barselona"nın baş məşqçisi Xavi Hernandezlə də görüşü nəzərdə tutulub.
Kopyalandı
#Samir Abbasov teqi istifadə olunub
Seçilmişlər
