Pleyeri seçin:
Saul Alvares boks üzrə mütləq dünya çempionu titulunu geri qaytarıb
Meksikalı Saul Alvares 76,2 kq çəki dərəcəsində boks üzrə mütləq dünya çempionu titulunu geri qaytarıb.
Ər-Riyadda keçirilən 12 raundluq döyüşdə sözugüdən boksçu yekdil qərarla kubalı Uilyam Skulla qalib gəlib.
Alvares Dünya Boks Şurası, Dünya Boks Assosiasiyası və Ümumdünya Boks Təşkilatının dünya çempionu titullarını qoruyub və Beynəlxalq Boks Federasiyasının kəmərini Skulldan alıb. 34 yaşlı Alvares WBC və WBA versiyaları üzrə dünya çempionu titulunu səkkizinci dəfə, WBO titulunu isə altıncı dəfə qoruyub.
Meksikalı dünya çempionu karyerası ərzində keçirdiyi 67 qarşılaşmanın 39-u nokautla olmaqla 63 dəfə qələbə qazanıb. 2 dəfə heç-heçə ilə razılşan Alvares 2 dəfə də məğlub olub.
23 görüşdə qələbə qazanan Uilyam Skull isə 24-cü qarşılaşmasında ilk məğlubiyyətini məhz Alvaresdən aldı.
Kopyalandı
