Toni Kroos yenidən “Real Madrid”ə qayıdır

Peşəkar karyerasını bu yay başa vuran Toni Kroos “Real Madrid”ə qayıdacaq.

Son xəbərlərə görə, 34 yaşlı sabiq yarımmüdafiəçi məşqçi olmaq qərarına gəlib. Bu səbəbdən tələb olunan lisenziyanı almaq üçün kurslara başlayan Toni Kroos “Real”da Karlo Ançelotti ilə birlikdə işləmək niyyətindədir. T.Kroosun qərarını dəstəkləyən italiyalı mütəxəssis də tezliklə onu öz məşqçilər korpusunda görmək istəyir.

Xatırladaq ki, Toni Kroos 2014-cü ildən çıxış etdiyi “kral klubu”nda 465 oyun keçirib. 28 qol və 99 məhsuldar ötürmə müəllifi olan yarımmüdafiəçi klubla 5 dəfə Çempionlar Liqasını qazanıb. Bununla yanaşı, Toni Kroos dəfələrlə İspaniya çempionatı, Kuboku və Super Kuboku, UEFA Super Kuboku və klublararası dünya çempionatında qalib gəlib.

Almaniya millisi ilə 2014-cü ilin dünya çempionu olan T.Kroos Bundestim forması ilə 114 görüşdə 17 qolla yadda qalıb.