Tural Rəhimov: İstərdik ki, bizdən sonra da güclü MMA döyüşçülərimiz olsun

MMA döyüşçüsü Tural Rəhimov Bakıda keçiriləcək “Rizin” turnirinə hazırlıq prosesi haqda Baku TV-yə danışıb.

O bildirib ki, yarışlara hazırlıq iki mərhələdən ibarət olub:

“Birinci hazırlığımız Azərbaycanda, ikincisi isə ABŞ-nin Mayami şəhərində keçdi. İkinci hazırlığımız fiziki məşqlərdən ibarət idi və çox ağır idi. 20 gün qalmış Azərbaycana qayıtdıq. Burada nisbətən yüngül – taktiki məşqlər edirik və rəqibə qarşı hazırlaşırıq”.

“Azərbaycanda MMA yarışları çox az keçirilir. İstəyərdik ki, karyeramızı yekunlaşdırdıqdan sonra da Azərbaycanda güclü idmançılar olsun, “Rizin” yarışları keçirilsin. Tofiq, Vüqar kimi idmançıların sayı 2 yox, ən azı 30-40 olsun”, – deyə döyüşçümüz qeyd edib.